சீச்சீய்..

 ம்ஹூம் இதெல்லாம் ஒரு விளையாட்டுன்னு உக்காந்து பாக்குற நேரத்துக்கு உருப்படியா வேற எதாவது வேலை இருந்த பாக்கலாம். சொன்னா யாரு கேக்குறாங்க. இப்ப பாருங்க எவ்வளவு பேருக்கு சங்கடம்.


அதே போலத்தான் கீழே உள்ள பழத்தையும் எப்படித்தான் சாப்பிட்டுராங்கன்னே தெரியலை. வாயில் வச்சாலே புளிக்கும் போல தெரியுது. அது என்ன பழம் அத எப்படி சாப்பிடுறது என்பது பத்தி யாராவது விளக்கமா பதிவிட்டால் நல்லாயிருக்கும். 

பட்டைய கிளப்புங்க பாய்ஸ்

 

இலக்கை நோக்கி செல்லும் படையே 

இனி எட்டிப்பிடிக்கும் தூரம்தான் 

கவனத்தை குவித்து 

வெற்றியுடன் கோப்பையை

வென்றுவா.

கிடைக்கும் ஒரு சின்ன சந்தர்பத்தையும் வீணாக்காமல் சொந்த நலனை விலக்கி அணியின் வெற்றியே முதன்மையானது எனும் சிந்தனையோடு
எதிர்கொள்ளும் வாய்ப்புகளை வெற்றிக்கு திறவுகோலாக மாற்று.
நிச்சயம் முடியும் என்கிற நம்பிக்கையோடு  விளையாடு. தொடர் வெற்றி என்பது அவர்களுக்கு மட்டுமே சொந்தமானதல்ல. கங்காருவை அதன் இருப்பிடத்தில் மோதி வெல்வதைக்காண உன் 100 கோடிக்கும் மேற்பட்ட உறவுகள் காத்திருக்கிறோம். 

நீ தவான் அல்ல

எல்லையில் நின்று போராட வேண்டிய பலர்
ஏதோ  சிலபல காரணத்தால் 
ஒதுங்கி
ஒடுங்கி
ஒளிந்து வாழும் நிலையில்
எல்லை ஓரம் நின்றவாறு நீ
ஆடிய நளினம் நிறைந்த நடனம்
கண்டவர் மறக்க இயலாது.
எல்லைக்கோட்டை
தொடாமல் நீ ஆடிய ஆட்டத்தை கண்டதும்
தோன்றியது
இனி உன்னை
ஜவான் என்று அழைத்தால் என்ன?! 

மகளிர் தினத்துக்கு வாழ்த்தாதீர்கள்

தாயை,
சகோதரியை,
மனைவியை,
மகளை,
நேசிப்பவர்கள்
மகளிர் தினத்துக்கு மட்டும்
கடனே என்று
வாழ்த்தாதீர்கள்.
கடமைக்கு
வாழாதீர்கள்.  

நம்மை
உருவாக்குவதில் இருந்து
எருவாகும்வரை
தங்களையே
உருக்கி தரும்
அவர்களை
மதிப்போம். 
தினம்தினம்
துதிப்போம்.
 

நாங்கள்ளாம் அவ்ளோ ஒர்த் இல்லைய்யா. சொன்னா கேளுங்க.

இப்படிக்கு
உங்களால் தினசரி
வணங்கப்ப(ட்)டு ம் வேதனைப்படும்
க
ட
வு
ள் க ள்.  

ஹைய்யோ மு.. நி.... சாமி வாக்கு பலிச்சிடுச்சே!

பதிவுலகில் தனக்கென்று ஒரு பாதையை வகுத்து வைத்திருந்தாலும்
மற்ற (பதி)வர்கள் மனம் கோணக்கூடாது என்(ற) பகுத்தறிவு சிந்தை மு நி சாமி சொன்ன ஆருடம் பலித்து விடுமோ என்று கொஞ்சமே கொஞ்சம் பதட்டமாயும்...,   ரொம்ப ரொம்ப சந்தோஷமாயும் இருக்கு.. ஸ்ஸ் ஸ்.. ப்ப்  பூ   ... ர்.... தி

விடுதலை வழங்கியமைக்கு நன்றி

மாப்பிள்ளை முறுக்கு போல்
முறுக்கிக்கொண்ட
கோவை (இல்லை இல்லை)
கோவக்கார பதிவர் அய்யா
பழனி.கந்தசாமி அவர்கள் 
மீண்டும் தமது தளத்தில் பின்னூட்டப்பெட்டியை திறந்து
கருத்து சுதந்திரத்திற்கு எதிரான கந்தசாமி அல்ல என்பதை நிரூபித்துள்ளார்.
வாழ்த்துகளுடன் அவருக்கு நன்றி.